पंढरपूर (सोलापूर)- एसटी महामंडळाच्या पंढरपूर आगारातील कर्मचारी दशरथ गिड्डे याने बुधवारी राहत्या घरी गळफास लावून आत्महत्या केली आहे. आत्महत्येचे कारण समजू शकले नाही. गिड्डे यांच्या आत्महत्येने एसटी कर्मचाऱ्यांनमध्ये मात्र खळबळ उडाली आहे.
मोहोळ येथील दशरथ गिड्डे मागील काही दिवसांपासून मानसिक तणावामध्ये होते. त्यातूनच त्यांनी आत्महत्या केली असावी, अशी शक्यता वर्तवण्यात येत आहे. दुसरीकडे एसटीच्या विविध विभागातील कर्मचाऱ्यांचे राज्यात अनेक ठिकाणी आत्महत्यांचे सत्र सुरू आहे. मागील काही दिवसांपासून एसटी कर्मचाऱ्यांना वेळेवर पगार मिळत नसल्याने कर्मचारी तणावात आहेत.