सोलापूर- पंढरपूर तालुक्यातील भाळवणीत पूर्व वैमनस्यातून माजी ग्रामपंचायत सदस्याची गोळ्या झाडून हत्या करण्यात आली आहे. विश्वास भागवत ऊर्फ बापू असे हत्या करण्यात आलेल्या व्यक्तीचे नाव असून त्यांच्यावर अज्ञातांनी गोळ्या झाडल्याने एकच खळबळ उडाली.
पूर्व वैमनस्यातून माजी ग्रामपंचायत सदस्याची गोळ्या घालून हत्या
पंढरपूर-सातारा रस्त्यावर भाळवणी हे गाव आहे. मेन रोडवरील न्यू इंग्लिश स्कुल समोर भागवत हे मित्रांसोबत गप्पा मारत होते. तेव्हा मोटरसायकलवरुन तिथे अचानक आलेल्या दोघा अज्ञातांनी येऊन विश्वास भागवत यांच्यावर गोळीबार केला. पहिली गोळी भागवत यांनी हुकवली. पण, दुसर्‍या गोळीने त्यांचा वेध घेतला. गोळीबारानंतर त्यांना रुग्णालयात उपचारासाठी नेण्यात आले. पण, डॉक्टरांनी त्यांना मृत घोषित केले. ही हत्या भरदिवसा मुख्य रस्त्यावर घडल्याने खळबळ उडाली आहे.