सोलापूर - उपप्रादेशिक परिवहन अधिकाऱ्यांनी स्वतःच्या कार्यालयात विना हेल्मेट येणाऱ्या नागरिकांवर कारवाई करण्यास सुरुवात केली आहे. प्रादेशिक परिवहन कार्यालयातील(आरटीओ) कर्मचाऱ्यांनाही हेल्मेट सक्तीचे करण्यात आले आहे. या उपक्रमाला नागरिकही सकारात्मक प्रतिसाद देत आहेत.
हेल्मेट वापराची सुरुवात आरटीओ कार्यालयापासून
सोलापूरचे उपप्रादेशिक परिवहन अधिकारी संजय डोळे यांनी 28 फेब्रुवारीला नागरिक आणि कर्मचाऱ्यांना हेल्मेट सक्तीच्या निर्णयाची पूर्वकल्पना दिली होती. त्यानंतर 2 मार्चपासून हेल्मेट सक्तीच्या अंमलबजावणीला सुरुवात झाली. उपप्रादेशिक परिवहन अधिकारी संजय डोळे यांनी स्वत: आरटीओ कार्यालयाच्या गेटवर थांबून कारवाई केली. हेल्मेट न वापरणाऱया मोटारसायकल धारकांना दंड आकारला जात आहे.