सोलापूर -सर्वत्र दिवाळी उत्सवाची जय्यत तयारी सुरू आहे. तर दुसरीकडे सोलापूरातील माळशिरसमध्ये अल्पवयीन मुलीवर सामूहिक बलात्काराची धक्कादायक घटना समोर आली आहे. वेळापूर पोलीस स्टेशनच्या परिसरात एका 13 वर्षांच्या अल्पवयीन मुलीवर तीन नराधमांनी बलात्कार केल्याची संतापजनक घटना घडली आहे. या प्रकरणी 3 जणांना अटक करण्यात आली आहे. माळशिरस तालुक्यातील उघडेवारी इथे ही घटना घडली आहे.
दवाखान्यात जात असताना केले कृत्य -
पीडित मुलगी ही आपल्या कुटुंबीयांसह उघडेवाडी गावात राहते. पीडित अल्पवयीन मुलगी सरकारी दवाखान्यात जात होती. त्यावेळी वाटेत तीन नराधमांनी तिला अडवले आणि तिची छेड काढली. त्यानंतर पीडितेला बाजूला असलेल्या एका आडोशाला नेऊन बळजबरीने लैंगिक अत्याचार केला.