महागाई विरोधात सोलापुरात काँग्रेस पक्षाच्या वतीने निदर्शने

इंधन दर आणि जीवनावश्यक वस्तूंच्या महागाई विरोधात आणि देशाचे सार्वभौमत्व, धर्मनिरपेक्षता समाजवाद तसेच लोकशाहीच्या हक्काचे रक्षण करण्यासाठी काँग्रेस पक्षाच्या वतीने जिल्हाधिकारी कार्यालयासमोर निदर्शने करण्यात आली. यावेळी केंद्रातील मोदी सरकारच्या विरोधात जोरदार घोषणाबाजी करण्यात आली.

सोलापूर- पेट्रोल, डिझेल, गॅस सिलिंडर आणि जीवनावश्यक वस्तूंच्या महागाई विरोधात आणि देशाचे सार्वभौमत्व, धर्मनिरपेक्षता समाजवाद तसेच लोकशाहीच्या हक्काचे रक्षण करण्याकरिता काँग्रेस पक्षाच्या वतीने जिल्हाधिकारी कार्यालयासमोर निदर्शने करण्यात आली. यावेळी केंद्रातील मोदी सरकारच्या विरोधात जोरदार घोषणाबाजी करण्यात आली.

महागाई गगनाला भिडली - म्हेत्रे

2014 साली नरेंद्र मोदी यांनी 'आप मुझे सत्ता दिजिये, मै महंगाई यू खत्म कर दुंगा', असे महागाई कमी करण्याबाबत दिलेल्या आश्वासनाची आठवण करून देत महागाई गगनाला भिडली आहे, असे माजी गृहराज्यमंत्री सिद्धाराम म्हेत्रे म्हणाले.

गरिबांनी कसे जगावे - आमदार शिंदे

सत्ताधाऱ्यांची हुकूमशाही चालली आहे. काँग्रेस पक्ष हा लोकशाहीमध्ये विश्वास ठेवणारा पक्ष आहे. सामान्य जनतेचे मोदी सरकार ऐकायला तयार नाही. टाळेबंदी म्हणजे दुष्काळात तेरावा महिना, अशी परिस्थिती तयार झाली होती. खाद्य तेलाच्या दरामध्ये भरमसाठ वाढ झाली आहे. युवकांना रोजगार नाही, त्यात पेट्रोल, डिझेल महाग झाले. गोरगरिबांनी जगावे कसे, असा प्रश्न यावेळी आमदार प्रणिती शिंदे यांनी केला आहे.

हेही वाचा -पंढरीच्या विठुरायाचे दार उघडणार; मंदिर समितीकडून स्वच्छता अभियान सुरू