सोलापूर -'टेंडरसाठी बायको विकणारी औलाद' अशा शब्दात राजेंद्र राऊत यांनी भाजपचे नेते राजेंद्र मिरगणे यांच्यावर टीका केली आहे. राऊत यांनी मिरगणे यांच्यावर कौटुंबिक अन खालच्या पातळीवर टीका केल्याचा व्हिडीओ सध्या सोशल मीडियावर व्हायरल होत आहे.
हेही वाचा... दहा-पाच रुपयात जेवण द्यायला महाराष्ट्र भिकेला लागला आहे का, राज ठाकरेंचा सेना-भाजपवर घणाघात
व्हिडीओ व्हायरल अन् निषेधही
बार्शी विधानसभा मतदारसंघातील अपक्ष उमेदवार राजेंद्र राऊत यांनी भाजपचे नेते अन् गृहनिर्माण मंडळाचे सहअध्यक्ष राजेंद्र मिरगणे यांच्यावर खालच्या पातळीवर टीका केली. याचा व्हिडीओ सोशल मीडियावर व्हायरल झाल्यानंतर त्यावर उलट सुलट प्रतिक्रीया व्यक्त होत आहे. तसेच काही ठिकाणी याचा निषेधही व्यक्त केला जात आहे.
हेही वाचा...मतदारांना पैसे वाटणाऱ्या मंत्री लोणीकरांची उमेदवारी रद्द करा - डॉ. रत्नाकर महाजन
सध्या मतदारसंघात माजी मंत्री आणि शिवसेनेचे उमेदवार दिलीप सोपल आणि अपक्ष उमेदवार राजेंद्र राऊत यांच्यात चुरशीची लढत होत आहे. या लढाईत मिरगणे यांनी स्थानिक भाजपचा सोपलांना विरोध असताना पाठिंबा दिला. त्यामुळे संतप्त झालेल्या राऊत यांनी मिरगणे यांच्यावर ठेकेदारीचा संदर्भ देत थेट त्यांच्या पत्नीबद्दल अपशब्द वापरले आहेत. त्यामुळे बार्शी तालुक्यात अपक्ष उमेदवार राजेंद्र राऊत यांच्याविरोधात निषेधाचा सूर निघत आहे.