सोलापूर - शेततळ्यात पडून 7 वर्षीय चिमुकल्याचा मृत्यू झाला आहे. ही घटना माढा तालुक्यातील अंजनगाव (खेलोबा)गावात मंगळवारी साडे पाचच्या सुमारास घडली. बाळू खेमराज माळी असे मृत चिमुकल्याचे नाव आहे.
सात वर्षाचा चिमुकल्याचा शेततळ्यात पडून मृत्यू; सोलापूरातील घटना - child died madha solapur
खेमराज माळी हे अंजनगाव येथील देशमुख वस्तीवर राहतात. शेतीबरोबरच ते मोलमजुरी करुन उदरनिर्वाह करतात. ते मंगळवारी नेहमीप्रमाणे कामाला गेले होते. त्यांची पत्नी जयश्री या घरीच काम करीत होत्या.
मृत बाळू माळी
खेमराज माळी हे अंजनगाव येथील देशमुख वस्तीवर राहतात. शेतीबरोबरच ते मोलमजुरी करुन उदरनिर्वाह करतात. ते मंगळवारी नेहमीप्रमाणे कामाला गेले होते. त्यांची पत्नी जयश्री या घरीच काम करीत होत्या. पाणी साठवण्यासाठी खेमराज यांनी घराच्या शेजारीच लहान शेततळे बांधले होते. त्यांचा मुलगा बाळू आणि मुलगी घराच्या शेजारीच खेळत होती. खेळता खेळता बाळू शेततळ्याजवळ असताना त्याचा तोल गेला. ही बाब त्याच्या बहिणीने आई जयश्रीला सांगितली. यानंतर बाळूला शेततळ्यातून बाहेर काढले गेले. त्याला अनगर येथे उपचारासाठी नेले असता डॉक्टरांनी त्याला मृत घोषित केले. या घटनेने सर्वत्र गावात वातावरण सुन्न झाले आहे.
हेही वाचा -जळगावात भरधाव ट्रॅक्टरची दुचाकीला धडक; 1 ठार, 2 गंभीर