सातारा- तरुणाकडून २५ हजार रुपयांची खडणी उकळल्याप्रकरणी बोरगाव पोलिसांनी वनविभागातील परळीचे वनपाल योगेश गावित व वनरक्षक महेश सोनावलेसह अन्य दोघांविरोधात खंडणीचा गुन्हा दाखल केला आहे.
ओंकार शिंदे (पिरेवाडी (भैरवगड) ता.सातारा) हा नुकसान करणाऱ्या माकडांना हाकलण्यासाठी शेतात गेला होता. तेथे परळीचे वनपाल योगेश गावित, वनरक्षक महेश सोनावले व अज्ञात दोघांनी त्याला पकडले. वनपाल गावित यांनी ओंकारला कारमधून साताराकडे आणले. वाटेत गावितने कारवाई न करण्यासाठी १ लाख रुपयांची मागणी केली. अन्यथा तुझ्यावर प्राण्यांची शिकार करण्याचा गुन्हा दाखल करतो, असेही धमकावले. तसेच, रात्रीच्या सुमारास साताऱ्यातील गोडोली नर्सरीत डांबून दांडक्याने ओंकारला मारहाण देखील करण्यात आली. त्यानंतर रात्री उशिरा त्याला खिंडवाडी येथे महामार्गानजिक असलेल्या एका लॉजवर नेऊन पुन्हा डांबून ठेवण्यात आले.