सांगली- 'ईटीव्ही भारत'च्या बातमीची दखल घेत ब्रम्हनाळ दुर्घटनेची चौकशी झालीच पाहिजे, अशी मागणी माजी खासदार राजू शेट्टींनी केली आहे. आपण स्वतः पूरपरिस्थितीत ब्रम्हनाळ गावाला बोटी पुरवण्याची मागणी जिल्हा प्रशासनाकडे केली होती. मात्र, प्रशासनाच्या बेफिकीर वृत्तीमुळे निष्पाप नागरिकांचा जीव गेला असा आरोपही राजू शेट्टी यांनी सांगलीत 'ईटीव्ही भारत'शी बोलताना केला आहे.
प्रतिक्रिया देताना राजू शेट्टी
सांगलीच्या ब्रम्हनाळ येथे महापुरात बोट उलटून झालेल्या दुर्घटनेत 17 जणांचा मृत्यू झाला होता. या घटनेला एक महिना उलटून गेला आहे. मात्र, या दुर्घटनेत दोष कुणाचा? मुख्यमंत्र्यांच्या चौकशीचे पुढे काय झाले? असे प्रश्न उपस्थित करत 'ईटीव्ही भारत'ने याबाबतचे वृत्त प्रसारित केले होते. या वृत्ताची दखल स्वाभिमानीचे माजी खासदार राजू शेट्टी यांनी घेतली आहे.