सांगलीत वादळी वाऱ्यासह गारपीट; घरांवरील पत्रे उडाली, द्राक्षबागांचेही मोठे नुकसान

वादळी वाऱ्यामुळे गावांमधील घरांचे पत्रे उडून गेली आहेत. तर द्राक्षबागांनाही मोठा फटका बसला आहे.

सांगली - कवठेमहांकाळ तालुक्यात शनिवारी पहाटे वादळी वाऱ्यासह झालेल्या गारपिटीमुळे शेती आणि घरांचे मोठे नुकसान झाले आहे. वादळी वाऱ्यामुळे गावांमधील घरांचे पत्रे उडून गेली आहेत. तर द्राक्षबागांनाही मोठा फटका बसला आहे.
कवठेमंकाळ तालुक्यातील आगळगाव, शेळकेवाडी सह परिसरात शनिवारी पहाटे वादळी वाऱ्यासह गारपीट झाली. पहाटेच्या वेळी विजांच्या कडकडाटासह, वादळी वाऱ्याला सुरवात झाली. ज्यामध्ये आगळगाव, शेळकेवाडी परसिसराला वादळी वाऱ्याचा मोठा फटका बसला.
जोरदार वादळी वाऱ्यामुळे आठ ते दहा घरांच्या छताची पत्रे तर काही ठिकाणी जनावरांच्या गोट्याचे पत्रे उडून गेले आहेत. वादळी वाऱ्याबरोबर तालुक्यातील गारपीटही झाली आहे. याचा मोठा फटका द्राक्षबागांना बसला असून गारपीटमुळे द्राक्षवेलींची मोठ्या प्रमाणात पानगळ झाली आहे.