रत्नागिरी - शेळ्या चरवण्यासाठी जंगलात गेलेल्या सतरा वर्षीय महाविद्यालयीन विद्यार्थिनीची डोक्यात दगड घालून निर्घृण हत्या करण्यात आली आहे. खेडशी चिंचवाडी येथे शुक्रवारी (दि.९ ऑगस्ट) रोजी सायंकाळी 5 ते 6 च्या सुमारास ही घटना घडली असून, मैथीली गवाणकर असे मृत तरूणीचे नाव आहे. ती खेडशी येथील महाविद्यालयात अकरावीमध्ये शिक्षण घेत होती.
शुक्रवारी महाविद्यालयातून घरी आल्यानंतर मैथिली 4 च्या सुमारास शेळ्या घेऊन चिंचवाडी-सडा येथील जंगलात गेली होती. मात्र, सायंकाळी 6 वाजल्यानंतरही ती घरी परतली नाही. साडेसहाच्या सुमारास शेळ्या घरी आल्या. परंतू, मैथिली न आल्याने शोध घेण्यास सुरूवात झाली. मैथीलीचा शोध न लागल्याने वडील प्रवीण गवाणकर यांनी ग्रामीण पोलीस स्थानकात धाव घेतली.
शेळ्या चरवण्यासाठी जंगलात गेलेल्या सतरा वर्षीय महाविद्यालयीन विद्यार्थीनीची डोक्यात दगड घालून निर्घृण हत्या करण्यात आली आहे.