गणपतीपुळे येथील समुद्रात बुडणाऱ्या तिघांना वाचविण्यात यश

गपतीपुळे येथे देवदर्शनासाठी आलेल्या समुद्रात बुडणाऱ्या तिघांना वाचवण्यात नागरिाकांना यश मिळाले आहे.

रत्नागिरी - गपतीपुळे येथे देवदर्शनासाठी आलेल्या तिघांना समुद्रात बुडण्यापासून वाचवण्यात नागरिाकांना यश आले. हे तिघेही पुण्यातील दौंड तालुक्यातील पिंपळेगाव येथील रहिवाशी आहेत. पुजा कापरे, नंदकुमार कापरे आणि प्रदिप कापरे, अशी या तिघांची नावे आहेत.

याबाबत अधिक माहिती अशी की, देवदर्शन करुन कापरे कुटुंबीय समुद्रात पोहण्यासाठी गेले होते. मात्र, समुद्रात पाण्याचा अंदाज न आल्याने ते समुद्रात खेचले गेले. तेव्हा ही बाब किनाऱ्यावरील गणपतीपुळे ग्रामपंचायतीचे जीवरक्षक अक्षय माने यांच्या लक्षात आली. त्यानंतर त्यांनी तातडीने हालचाली करत व्यावसायिकांच्या मदतीने या तिघांना वाचवले.

सध्या पावसाळा सुरू आहे आणि समुद्र खवळलेला असताना पर्यटक सुचनांचे पालन करत नाहीत. त्यामुळे अशा दुर्घटना घडत आहेत. त्यामुळे पर्यटकांनी काळजी घेण्याची गरज आहे.