रत्नागिरीतील रुग्णालयाचे मुख्यमंत्र्यांच्या हस्ते ऑनलाईन लोकार्पण

आज लोकार्पण झालेला महिला रुग्णालयाचा दुसरा टप्पा 200 बेडचा आहे. हे सर्वच बेड ऑक्सिजन सुविधेसह उपलब्ध आहेत. कोविडची पहिली लाट आली त्यावेळी रुग्णालयातील 100 बेडचा पहिला टप्पा समर्पित कोविड रुग्णालय म्हणून मागील वर्षापासून कार्यरत आहे. आजच्या या लोकार्पणानंतर संपूर्ण रुग्णालयाची क्षमता आता 300 बेडची झाली आहे.

रत्नागिरी- रत्नागिरी शहरातील महिला रुग्णालयातील समर्पित कोविड रुग्णालयाच्या 200 बेडचा दुसरा टप्पा आणि राजापूर तालुक्यातील ओणी येथील 30 बेडच्या समर्पित कोविड रुग्णालयाचे ऑनलाईन लोकार्पण मुख्यमंत्री ठाकरे यांच्या हस्ते रविवारी झाले. कार्यक्रमास रत्नागिरीचे पालकमंत्री ॲड. अनिल परब, राज्याचे सार्वजनिक आरोग्य मंत्री राजेश टोपे, उच्च व तंत्रशिक्षण मंत्री उदय सामंत, जिल्हा परिषद अध्यक्ष विक्रांत जाधव, खासदार विनायक राऊत, आमदार भास्कर जाधव तसेच आमदार राजन साळवी आदिंची प्रमुख उपस्थिती होती.

असे आहे रुग्णालय

मुख्यमंत्र्यांच्या हस्ते ऑनलाईन लोकार्पण

आज लोकार्पण झालेला महिला रुग्णालयाचा दुसरा टप्पा 200 बेडचा आहे. हे सर्वच बेड ऑक्सिजन सुविधेसह उपलब्ध आहेत. कोविडची पहिली लाट आली त्यावेळी रुग्णालयातील 100 बेडचा पहिला टप्पा समर्पित कोविड रुग्णालय म्हणून मागील वर्षापासून कार्यरत आहे. आजच्या या लोकार्पणानंतर संपूर्ण रुग्णालयाची क्षमता आता 300 बेडची झाली आहे. वैद्यकीय उपचार सुविधेच्या अनुषंगाने येथे व्हेंटीलेटर सह अतिदक्षता कक्ष पहिल्या मजल्यावर असून येथे 22 बेड उपलब्ध आहेत. तिसऱ्या लाटेत बालकांना अधिक बाधा होण्याची शक्यता वर्तविण्यात आली आहे. त्यासाठी वेगळा अतिदक्षता कक्ष येथे निर्माण करण्यात आलेला आहे. यासाठी दुसऱ्या टप्प्यात एकूण 8886.08 चौरस मीटर क्षेत्र बांधकाम झाले आहे. यासाठी 8 कोटी 26 लक्ष 23 हजार 892 रुपये इतका खर्च आलेला आहे.ऑक्सिजन सुविधारुग्णसेवेत अत्यावश्यक बाब असलेल्या ऑक्सिजनच्या निर्मितीसाठी इमारती जवळ स्वतंत्र उभारणी करण्यात येत आहे. येथे मध्यवर्ती ऑक्सिजन पुरवठा व्यवस्था देखील या सोबत करण्यात आली आहे. यासाठी जिल्हा नियोजन समिती निधीतून 1 कोटी 69 लक्ष रुपये रक्कम उपलब्ध करुन देण्यात आली आहे. या प्रकल्पाची क्षमता 170 जम्बो सिलेंडर प्रतिदिन असणार आहे.

20 किलोलिटर साठवण क्षमता असणारा लिक्विड ऑक्सिजन टॅंक असणार आहे
ओणी येथील प्राथमिक आरोग्य केंद्रालगत असलेल्या परिचारिका प्रशिक्षण केंद्रात 30 बेडचे समर्पित कोविड रुग्णालय झाले आहे. या ठिकाणी व्हेंटीलेटर सह 5 बेडचा अद्ययावत असा अतिदक्षता कक्ष आहे. ओणी येथील हे रुग्णालय आमदार राजन साळवी यांनी आपल्या स्थानिक विकास निधीतून 89 लक्ष रुपये देऊन सुरु केले आहे.

लोकार्पण
जिल्हा माहिती कार्यालयामार्फत तयार करण्यात आलेली दोन्ही रुग्णालयांमधील सुविधांबाबतची चित्रफित यावेळी दाखविण्यात आली. कार्यक्रम फेसबुक लाईव्हद्वारे लोकांपर्यंत पोहचेल याचीही व्यवस्था करण्यात आली होती. ओणी येथील समर्पित रुग्णालय इमारतीजवळ टिव्हीच्या माध्यमातून उपस्थितांनी हा लोकार्पण सोहळा बघितला.