रत्नागिरी- उद्धव ठाकरेंनी जनाची नाही, तर मनाची तरी लाज बाळगावी, अशी जहरी टीका खासदार नारायण राणेंनी देवरुख येथील सभेत केली आहे. भाजपचे राष्ट्रीय अध्यक्ष अमित शाह गांधीनगर येथून लोकसभेसाठी उमेदवारी अर्ज दाखल करणार आहेत. त्यावेळी उद्धव ठाकरे तेथे उपस्थित राहणार आहेत. या पार्श्वभूमीवर राणेंनी ठाकरेंवर टीका केली.
नारायण राणेंची उद्धव ठाकरेंवर टीका
ते म्हणाले, शिवसेना पक्षप्रमुख उद्धव ठाकरे आता गांधीनगरला अमित शहा यांचा अर्ज भरायला निघाले आहेत. याच उद्धव ठाकरेंनी अमित शहांवर अतिशय खालच्या भाषेत टीका केली होती. एवढी घाणेरडी टीका करायची आणि त्यांचाच निवडणूक अर्ज भरायला जायचे, ही लाचारी आहे. ही लाचारी मतलबी आहे, सत्तेसाठी आहे. सत्ता आहे पैशासाठी आणि पैसा आहे सत्तेसाठी आणि हे उद्धव ठाकरेंच्या रक्तात भिनलेले आहे.