रत्नागिरी -जिल्ह्यात सध्या कोरोनाचा प्रादुर्भाव दिवसेंदिवस वाढत चालला आहे. त्यातच गेल्या 24 तासांत तब्बल 11 जणांचा कोरोनामुळे मृत्यू झाला आहे. चोवीस तासात सर्वाधिक मृत्यू होण्याची ही जिल्ह्यातील पहिलीच वेळ आहे. 11 जणांच्या मृत्यूनंतर जिल्ह्यात कोरोना बळींचा आकडा दोनशे पार गेला आहे. आतापर्यंत जिल्ह्यात एकूण 209 रुग्णांचा मृत्यू झाला आहे.
रत्नागिरी जिल्ह्यात गेल्या 24 तासात 11 कोरोनाबाधितांचा मृत्यू...
रत्नागिरी जिल्ह्यात कोरोनाचा विळखा हळूहळू घट्ट होत चालला आहे. गेले काही दिवस दररोज 60 ते पेक्षा जास्त रुग्ण सापडत आहेत. त्यातच कोरोनामुळे मृत्यू होणाऱ्यांची संख्याही वाढत आहे. गेल्या 24 तासांत तर जिल्ह्यात 11 जणांचा कोरोनामुळे मृत्यू झाला आहे. त्यामुळे एकूण मृतांचा आकडा 209 वर पोहोचला आहे. सद्या जिल्ह्यातील मृत्यू दर 3.16 टक्के एवढा झाला आहे.