रायगड - पनवेल आणि उरण हे विधानसभा मतदारसंघ मावळ लोकसभा मतदारसंघाचा भाग आहेत. या दोन्ही मतदारसंघात मतांची टक्केवारी घसरल्याचे समोर आले आहे. पनवेल येथे ५५.३ टक्के तर उरण येथे ६१.८ टक्के मतदान झाले. पनवेल आणि उरण दोन्ही ठिकाणी शिवसेना भाजप युतीचे वर्चस्व आहे. या घटलेल्या टक्केवारीचा कोणाला फायदा किंवा तोटा होतो हे येत्या २३ मे ला स्पष्ट होईल.
मतदान केंद्राच्या बाहेर रांगेत उभे असलेले मतदार
मावळ मतदारसंघ हा राज्यातील महत्वाच्या मतदारसंघापैकी एक मानला गेला. कारण, येथून राष्ट्रवादीचे नेते अजित पवार यांचे पुत्र पार्थ निवडणूक लढत होते. म्हणजे अप्रत्यक्षरित्या अजित पवार यांचीच प्रतिष्ठा या ठिकाणी पणाला लागली आहे. पनवेल आणि उरण हे दोन्ही मतदारसंघ भाजपचे वर्चस्व असणारे आहेत. त्यामुळे साहजिकच आघाडीसाठी येथे मोठे आव्हान होते. पण, येथील मतदारांनी मतदानाकडे पाठ फिरवल्याचे दिसले.