रायगड – गर्भवती पत्नी कोरोना पॉझिटिव्ह असताना मुंबईतील रुग्णालयातून पतीने तिच्यासह पळ काढून कोकणातील आपले गाव गाठले आहे. यामुळे परिसरात भीताचे वातावरण असून संबंधित पती-पत्नीविरोधात गुन्हा दाखल करण्यात येणार आहे.
धक्कादायक.. मुंबईतून कोरोनाबाधित गर्भवती पत्नीला घेऊन पतीने गाठले गाव, महाड तालुक्यात खळबळ - कोरोनाबाधित गर्भवती महिला
कोरोनाबाधित गर्भवती पत्नीवर मुंबईतील सोमय्या रुग्णालयात उपचार सुरू असताना व डॉक्टरांनी दुसऱ्या रुग्णालयात घेऊन जाण्याचा सल्ला दिला असतानाही एकाने पत्नीला घेऊन गाव गाठले. हे दाम्पत्य मुंबईतून मोटारसायकलने महाड तालुक्यातील करमर या गावी पोहोचले. त्यांच्या या हलगर्जीपणाबद्दल प्रांताधिकाऱ्यांनी गुन्हा दाखल करण्याचे निर्देश दिले आहे.
रायगड कोरोनाबाधित रुग्ण
मुंबईतील सोमय्या रुग्णालयात एका गर्भवती महिलेवर उपचार सुरू होते. पुढील उपचारासाठी केईएम किंवा नायर रुग्णालयात जाण्याचा सल्ला डॉक्टरांनी दिला होता. मात्र एका व्यक्तीने कोरोनाबाधित पत्नीला घेऊन पळ काढला अन् महाड तालुक्यातील रायगड किल्ल्याच्या पायथ्याशी असलेले आपले करमर हे गाव गाठले. हे जोडपे गावात पोहचल्यावर त्यांची तपासणी केल्यानंतर हा धक्कादायक प्रकार समोर आला आहे. त्यामुळे करमर गावात भीतीचे वातावरण पसरले आहे. पतीचा स्वॅब तपासणीसाठी पाठविण्यात आला असून या जोडप्याला महाड ट्रामा केअर सेंटरमध्ये ठेवण्यात आले आहे. या दाम्पत्याविरोधात गुन्हा दाखल करण्याचे निर्देश महाड प्रांताधिकारी विठ्ठल इनामदार यांनी दिले आहेत.
मुंबईतून कोरोनाबाधित गर्भवती पत्नीला घेऊन पतीने गाठले गाव, महाड तालुक्यात खळबळ