रायगड - पत्रकार हर्षद कशाळकर यांना शेकापचे आमदार जयंत पाटील व आमदार पंडित पाटील यांनी मतमोजणी केंद्रात मारहाण केली होती. या प्रकरणी आज जिल्ह्यातील सर्व पत्रकार संघटनांनी जिल्हाधिकारी कार्यालयावर निषेध मोर्चा काढला. यामध्ये जिल्ह्यातील विविध संघटना सहभागी झाल्या होत्या. आंदोलनकर्त्यांनी उपजिल्हाधिकारी रवींद्र मठपती यांना संबंधितांवर कारवाई करण्याच्या मागणीचे निवेदन देण्यात आले.
पत्रकार कशाळकर मारहाण प्रकरणी पत्रकारांचा जिल्हाधिकारी कार्यालयावर निषेध मोर्चा
23 मे रोजी अलिबाग मधील नेहुली क्रीडा संकुलमध्ये लोकसभा निवडणुकीची मतमोजणी प्रक्रिया सुरू होती. मतमोजणी केंद्रात प्रवेश करण्यासाठी निवडणूक आयोगाने ओळखपत्रे दिली होती. ओळखपत्रे असणाऱ्या व्यक्तींनाच आत प्रवेश दिला जात होता. दुपारी पावणे तीन वाजण्याच्या सुमारास आ. जयंत पाटील, आ. पंडित पाटील यांनी त्यांच्यासोबत ओळखपत्र नसताना मतमोजणी केंद्रात बेकायदेशीर प्रवेश केला.