रायगड - अलिबाग-उरण मतदार संघाचे माजी आमदार मधुकर ठाकूर यांचे आज (गुरुवार) पहाटे 5 वाजताच्या सुमारास निधन झाले. ते 74 वर्षांचे होते. आजच म्हणजे 15 जुलै रोजी त्यांचा वाढदिवस होता. मागील 3 ते 4 वर्षांपासून ते आजारी होते.
अलिबागचे माजी आमदार मधुकर ठाकूर यांचे ७४व्या वाढदिवशीच निधन
माजी आमदार मधुकर ठाकूर यांचे आज (गुरूवार) पहाटे 5 वाजताच्या सुमारास निधन झाले. त्यांच्यावर त्यांच्या मुळ गावी अलिबाग तालुक्यातील सातीर्जे आज दुपारी 2 वाजता अंत्यसंस्कार करण्यात येणार आहेत.
अलिबागचे माजी आमदार मधुकर ठाकूर यांचे निधन
मधुकर ठाकूर यांनी त्यावेळच्या झिराड ग्रामपंचायतीच्या सरपंच पदापासून आपल्या राजकीय कारकिर्दीला सुरुवात केली. त्यानंतर जिल्हा परिषद सदस्य आणि 2004 ते 2009 या काळात अलिबाग-उरण मतदार संघाचे ते आमदार होते. रायगड जिल्हा काँग्रेसचे उपाध्यक्ष, प्रदेश कॉंग्रेसचे विशेष निमंत्रित सदस्य म्हणूनही त्यांनी काम पाहिले आहे. आज (गुरूवार) दुपारी 2 वाजता अलिबाग तालुक्यातील सातीर्जे या मूळ गावी त्यांच्या पार्थिवावर अंत्यसंस्कार होणार आहेत.