अलिबाग नगरपरिषदेत सेवानिवृत्त शिपायाच्या हस्ते ध्वजारोहण

अलिबाग नगरपरिषदेत रविवारी सकाळी ८ वाजता रंजन पाटील यांच्या हस्ते ध्वजारोहण करण्यात आले. सेवानिवृत्त कर्मचाऱ्याला हा बहुमान मिळाल्याने कर्मचारी वर्गातून समाधान व्यक्त होत आहे.

रायगड- अलिबाग नगरपरिषदेचे सेवानिवृत्त शिपाई रंजन पाटील यांना प्रजासत्ताक दिनी ध्वजारोहण करण्याचा मान मिळाला. पाटील नगरपरिषदेमध्ये शिपाई कामासोबतच गेल्या २५ वर्षांपासून ध्वज चढविणे आणि उतरवण्याचे काम अविरतपणे करीत होते. नगराध्यक्ष प्रशांत नाईक यांनी ध्वजारोहणाचा बहुमान देऊन पाटील यांना सन्मानित केले.

हेही वाचा - नारायण राणेंच्या मुख्यमंत्र्यांवरील टिकेला अजित पवारांचे उत्तर, म्हणाले...

अलिबाग नगरपरिषदेत रविवारी सकाळी ८ वाजता पाटील यांच्या हस्ते ध्वजारोहण करण्यात आले. सेवानिवृत्त कर्मचाऱ्याला हा बहुमान मिळाल्याने कर्मचारी वर्गातून समाधान व्यक्त होत आहे. यावेळी नगराध्यक्षांसह मुख्याधिकारी महेश चौधरी, नगरसेवकांसह नागरिक मोठ्या संख्येने उपस्थित होते.

हेही वाचा - केंद्र सरकार व्यवसायाला संधी देत नाही - रोहित पवार