रायगड - देशभरातील कोरोना व्हायरस संसर्गाच्या पार्श्वभूमीवर महाडमधील चवदार तळे सत्याग्रह वर्धापनदिनाचा कार्यक्रम रद्द करण्यात आला आहे. महाड प्रांताधिकारी कार्यालयात आज सभा आयोजित करण्यात आली होती. यावेळी महाडचे प्रांताधिकारी विठ्ठल इनामदार, ग्रामीण रुग्णालयाचे अधीक्षक डॉ. भास्कर जगताप यांनी शासन आदेश आणि कोरोनाचा संसर्ग याबाबत उपस्थितांना मार्गदर्शन केले.
'चवदार तळे सत्याग्रह' वर्धापनदिनाचा कार्यक्रम रद्द
चवदार तळे सत्याग्रहाचे आंबेडकरी जनतेसाठी महत्तव, आंबेडकरी अनुयायांची या कार्यक्रमाबद्दलची आस्ता याबाबत चर्चा झाल्यानंतर सर्व आंबेडकरी संघटनांनी हा कार्यक्रम रद्द करण्याचा निर्णय घेतला. यावेळी जोगेंद्र कवाडे यांची होणारी सभा आणि समता मार्च हा कार्यक्रम रद्द करण्यात आल्याचे कार्यकर्त्यांनी सांगितले.