रायगड -अलिबाग तालुक्यातील वरसोली येथील लॉजिंगचे वीज बिल कमी करण्यासाठी महावितरणच्या कनिष्ठ अभियंत्याने चक्क 1 लाख 20 हजार रुपयांची लाच मागीतली होती. मागितलेल्या लाचेप्रकरणी पन्नास हजाराचा पहिला हफ्ता स्वीकारताना अलिबाग महावितरणचा अभियंता विशाल बागुल (वय-32) याला लाचलुचपत विभागाने अटक केली आहे. या घटनेनंतर महावितरण विभागातील भ्रष्टाचार चव्हाट्यावर आला आहे.
महावितरणचा अभियंता एसीबीच्या जाळ्यात
हेही वाचा - चिखलीत पोलिसांकडून लाखोंचा गुटखा जप्त, एक आरोपी गजाआड तर एक फरार
अलिबाग तालुक्यातील वरसोली येथे तक्रारदार यांचे लॅजिंग आहे. तक्रारदार यांनी लॉजिंगसाठी घरगुती वीज मीटरद्वारे वीज घेतली होती. लॉजिंगसाठी व्यवसायिक वीज मीटर घेतले नसल्याने महावितरणने तक्रारदाराला 2 लाख 47 हजारांचा दंड आकारला होता. याबाबत तक्रारदाराने अलिबाग महावितरण कार्यालयाशी संपर्क साधला.