पनवेल - येथील कामोठेत भरधाव वेगात आलेल्या कारच्या धडकेत दोन पादचाऱ्यांचा मृत्यू झाला आहे. या भीषण अपघातात सात ते आठ जण जखमी झाले आहेत. जखमींपैकी तिघांची प्रकृती चिंताजनक आहे. या घटनेने परिसरात हळहळ व्यक्त होत आहे.
कामोठेत भरधाव कारने दोघांना चिरडले.. आठ जण जखमी, तिघांची प्रकृती चिंताजनक
कामोठ्यातील सेक्टर सहामधील एका गजबजलेल्या रस्त्यावर भरधाव वेगात आलेल्या एका स्कोडा कारने समोरून येणाऱ्या बाईक व स्कूल बसला धडक दिली. या धडकेत एक महिला व पुरुष रस्त्यावरच बेशुद्ध पडले. तर, एक दुचाकीस्वार रस्त्याच्या बाजूला फेकला गेला. अन्य काही जणांनाही गाडीने धडक दिली. त्यात ते जखमी झाले. जखमींना तात्काळ एमजीएम रुग्णालयात दाखल करण्यात आले आहे.