भिमाशंकर अभयारण्य औषधी वनस्पतींचे भांडार! विविध आजारांवर उपयुक्त

भिमाशंकर अभयारण्य हे विविध प्रकारच्या औषधी वनस्पतींसाठी प्रसिद्ध आहे. या अभयारण्यात विविध आजारांवर उपाय करणाऱ्या वनस्पती आढळून येतात.

पुणे- भिमाशंकर अभयारण्य हे विविध प्रकारच्या औषधी वनस्पतींसाठी प्रसिद्ध आहे. या अभयारण्यात विविध आजारांवर उपाय करणाऱ्या वनस्पती आढळून येतात. येथील आदिवासी नागरिक या वनस्पतींची विक्री करत आले आहेत. त्यामुळे आदिवासी नागरिकांना यातून रोजगार उपलब्ध होतो आणि अभयारण्यातील वनस्पतीही टिकून राहतात.

सध्या श्रावण मास सुरू असताना देशभरातून अनेक भाविक भक्त भिमाशंकरला येत असतात. याठिकाणी येणाऱ्या नागरिकांना भिमाशंकर अभयारण्यातील विविध आजारांवर उपायकारक असणाऱ्या औषधी वनस्पतींची माहिती होते. भिमाशंकर अभयारण्यात येणारी ही औषधी वनस्पती येथील आदिवासी नागरिकांसाठी लाखमोलाची आहे. येथील आदिवासी महिला बचत गटाच्या माध्यमातून या औषधी वनस्पतींचे जतन करतात. या वनस्पतींच्या विक्रीतून महिलांना रोजगार उपलब्ध होत आहे.संपूर्ण परिसर अभयारण्याचा असल्यामुळे या ठिकाणी वैद्यकीय सेवा तातडीने उपलब्ध होत नाहीत. अशावेळी येथील आदिवासी नागरिक या अभयारण्यातील औषधी वनस्पतींचा वापर करतात. या वनस्पतींपासून गंभीर स्वरूपाचे आजारही बरे केले जाऊ शकतात, असा दावा येथील आदिवासी नागरिक करत असतात.