पुणे - चांद्रयान 2 मोहिमेबाबत एक दिलासादायक बातमी आली आहे. चंद्राभोवती फिरणाऱ्या ऑरबिटरने विक्रम लँडरचे छायाचित्र पाठवले आहे. इस्रोचे प्रमुख के. सिवन यांनी ऑरबिटरने विक्रम लँडरचे थर्मल छायाचित्र पाठवल्याची माहिती दिली.
विक्रम लँडरची स्थिती लवकरच समजेल
विक्रम लँडर शनिवारी चंद्राच्या पृष्ठभागावर सॉफ्ट लँडिंग करणार होते. मात्र, 2.1 किमी अंतर शिल्लक राहिले असताना त्याचा पृथ्वीसोबतचा संपर्क तुटला. अजूनही त्याच्याशी संपर्क साधण्याचा प्रयत्न सुरू आहे.