...म्हणून पिंपरीत मुसळधार पावसात 'ते' दोघे करत होते बेमुदत उपोषण

शहरात मुसळधार पावसात दोन तरुण बेमुदत उपोषण करत बसले असल्याचा व्हिडिओ समोर आला आहे. तो व्हिडिओ सोशल मीडियावर व्हायरल झाला आहे.

पुणे (पिंपरी-चिंचवड)- शहरात मुसळधार पावसात दोन तरुण बेमुदत उपोषण करत बसले असल्याचा व्हिडिओ समोर आला आहे. तो व्हिडिओ सोशल मीडियावर व्हायरल झाला आहे. पावसात भिजणारे तरुण हे रयत विद्यार्थी परिषदेचे असल्याची माहिती पुढे आली असून, पर्यावरणपूरक मागण्यांसाठी ते पिंपरी-चिंचवड महानगरपालिकेच्या समोर उपोषण करत असल्याची माहिती त्यांनी 'ईटीव्ही भारत' ला दिली आहे. सचिव रविराज काळे, ऋषिकेश कानवटे अशी त्यांची नावे आहेत.

हेही वाचा -मला जाणीवपूर्वक अडचणीत आणण्याचा प्रयत्न होतोय; माजी मंत्री पंकजा मुंडे

पिंपळे- निलख येथील जलशुद्धीकरण केंद्र पूर्ण क्षमतेने पिंपरी-चिंचवड महापालिकेने ठेकेदाराकडे भाडेतत्त्वावर न देता स्वत: पालिकेने चालवावा तसेच 8 ऑगस्टपासून 8 ऑक्टोंबरपर्यंत सांडपाण्यावर प्रक्रिया न करता सांडपाणी नदीपात्रात सोडले यांची चौकशी करून दोषींवर फौजदारी गुन्हे दाखल करण्यात यावा, या मागण्यांसह इतर मागण्यांसाठी ते गेल्या दोन दिवसांपासून पिंपरी-चिंचवड महानगरपालिकेच्या समोरच बेमुदत उपोषणाला बसले आहेत.

बुधवारी शहरात सायंकाळच्या सुमारास मुसळधार पाऊस झाला होता. तेव्हा, दोन्ही तरुण बेमुदत उपोषणावरून बाजूला हटले नाहीत किंवा निवाऱ्याला गेले नाहीत. अगदी मुसळधार पावसात दोघेजण बसून होते. त्यांचा हा व्हिडिओ सध्या सोशल मीडियावर व्हायरल होत असून, त्यांचे कौतूक केले जातं आहे.

दरम्यान, उपोषणात पिंपरी पोलिसांनी खोडा घालण्याचा प्रयत्न केला होता, असे त्या तरुणांनी सांगितले आहे. मात्र, ते त्यांच्या भूमिकेवर ठाम होते. दरम्यान, महानगर पालिकेचे आयुक्त आणि संबंधित अधिकाऱ्यांनी अद्याप त्यांची दखल घेतलेली नाही.

तरुणांच्या इतर काही मागण्या खालील प्रमाणे

1) श्री विनय इंजिनिअरिंग प्रा. ली या ठेकेदारास काळ्या यादीत टाकण्यात यावे.

4) पिंपळे निलख येथिल जलशुद्धीकरण केंद्रात असणारी बायपासची लाईन पुर्णपणे उखडून टाकावी.

5) या संपूर्ण प्रकरणाची जबाबदारी म्हणून पर्यावरण विभागाचे अभियंता संजय कुलकर्णी यांचे निलंबन करण्यात यावे.