पुणे -चंदनाची तस्करी करणाऱ्यास पुणे ग्रामीण पोलिसांनी अटक केली आहे. यावेळी 25 लाख 82 हजारांचा मुद्देमाल जप्त करण्यात आला आहे.
पोलिसांच्या स्थानिक गुन्हे शाखेने चंदनाची तस्करी करणाऱ्यास पाठलाग करून जेरबंद केले. त्यांच्याकडून 25 लाख 82 हजार 880 रुपयाचा मुद्देमाल जप्त केला आहे. या संदर्भात पोलिसांनी दिलेल्या माहितीनुसार, बातमीदारामार्फत पोलिसांना माहिती मिळाली, की पुणे-नगर रोडवर एक टेम्पो क्र. एम एच 17 बी डी 2698 हा नगरच्या दिशेने जात असून त्यामध्ये चंदनाच्या झाडाची लाकडे अवैधरित्या वाहतूक होत आहे. त्यानुसार स्थानिक गुन्हे शाखेच्या पथकाने पाठलाग करून शिक्रापूर येथे चाकण चौकात मुद्देमालासह एकाला जेरबंद केले.