राजगुरुनगरमध्ये भीमा नदीचे पावित्र्य राखण्यासाठी नदीकाठावर गणेशमुर्ती दान

क्रांतीकारक हुतात्मा राजगुरु यांच्या जन्मभुमीत भीमा नदी काठावर नदीचे पावित्र्य जपण्यासाठी आणि प्रदुषण रोखण्यासाठी गणेशमुर्ती दान.

पुणे -गणेशाची मागील दहा दिवसांपासुन मनोभावे पुजा करुन बाप्पाला निरोप देत असताना, क्रांतीकारक हुतात्मा राजगुरु यांची जन्मभुमी असलेल्या राजगुरुनगर शहरातील सामाजिक संस्था, नगरपरिषद आणि पोलीस यांनी एकत्र येऊन भीमा नदी काठावर गणेशमुर्ती दान करण्याचा नाविन्यपुर्ण उपक्रम राबवला आहे.

हेही वाचा... प्रदूषण टाळण्यासाठी गणेश मूर्तींचे संकलन; धुळ्यातील शिवदुर्ग प्रतिष्ठानचा स्तुत्य उपक्रम

बारा ज्योतिर्लिगांपैकी एक असलेल्या भिमाशंकर येथुन उगम पावणारी भीमा नदी सध्या स्वच्छ पाण्याने वाहत आहे. त्यामुळे या गणेशोत्सव काळात भीमा नदिचे पावित्र्य जपण्यासाठी आणि नदी स्वच्छ राखण्यासाठी, करण्यात आलेल्या आवाहनाला नागरिकांनी चांगलाच प्रतिसाद दिला आहे.

हेही वाचा... सर्वत्र गणेश विसर्जनाचा उत्साह असताना लातुरात मात्र गणेश संकलन

शहरातील हुतात्मा राजगुरु फाऊंडेशन च्या माध्यमातून गणेशमुर्ती दान करण्याचे आवाहन करण्यात आले होते. या निर्णयाला शहरवासीयांनी चांगलाच प्रतिसाद देत भीमा काठी गणेशाची आरती करुन नदीच्या पाण्यात गणेशाचे विसर्जन करुन लगेच या मुर्ती दान केल्या. तसेच यावेळी नगरपरिषदेच्या माध्यमातून नदीत निर्माल्य पाण्यात न टाकता ते वेगळ्या ठिकाणी साठविण्याची सोय करण्यात आली होती.

हेही वाचा... नंदुरबार शहरात विठू-माऊलीच्या जयघोषात गणरायाचे विसर्जन​​​​​​​