पुणे - पुणेकरांचा ड्रीम प्रोजेक्ट असलेल्या मेट्रोची बोगी रविवारी पिंपरी-चिंचवड शहरात दाखल झाली होती. आज (30 डिसेंबर) या बोगी रुळावर ठेवण्यात आल्या असून काही दिवसांमध्ये मेट्रोची ट्रायल घेण्यात येणार आहे. बोगी बसवण्याचे काम पाहण्यासाठी नागरिकांनी एकच गर्दी केली होती.
पुणे मेट्रोची बोगी रुळावर सवार
पुणे आणि पिंपरी-चिंचवडकरांना आतुरता असलेल्या मेट्रोच्या सहा बोगी अखेर रुळावर विसावल्या आहेत. रविवारी नागपूरहून सात दिवसांचा प्रवास करून सहा बोगी पिंपरी-चिंचवड शहरात दाखल झाल्या होत्या. या बोगींचे शहराच्या भक्ती-शक्ती चौकात येताच पारंपरिक पद्धतीने मोठ्या उत्साहात स्वागत करण्यात आले होते.