पुणे - मागील आठवड्यात पुण्यात दोन वेगवेगळ्या घटनांमध्ये सीमाभिंत कोसळून २२ जणांना नाहक जीव गमवावा लागला होता. त्यामुळे पिंपरी-चिंचवड शहरात अशा घटना घडू नयेत म्हणून खबरदारी घेतली जात आहे. महानगरपालिकेने थेरगाव येथील केजूबाई बागेची धोकादायक संरक्षण भिंत काढून टाकली आहे.
थेरगावातील धोकादायक सीमाभिंत पिंपरी-चिंचवड महानगरपालिकेने केली जमीनदोस्त
भिंतीला तडे गेले असल्याचे महानगरपालिकेच्या अधिकाऱ्यांच्या निदर्शनास आले होते. त्यामुळे कोणतीही दुर्घटना घडू नये म्हणून वेळीच भिंत जमीनदोस्त करण्यात आली. ही भिंत २५ मीटर लांबीची होती, अशी माहिती महानगरपालिकेच्या अधिकाऱ्याने दिली.