पुणे - पिंपरी चिंचवडमध्ये हॉटेलच्या गेटवर लघुशंका केल्याच्या कारणावरून झालेल्या भांडणात एका तरुणाचे अपहरण करून हत्या केल्याची घटना मंगळवारी समोर आली. हितेश गोवर्धन मूलचंदानी असे मृत तरुणाचे नाव असून कोयत्याने खून करण्यात आला होता. घटनेचे पडसाद म्हणून आज (बुधवारी) पिंपरी बाजार पेठ बंद ठेवण्यात आली.
लघुशंका वादावरुन एकाची हत्या. सिंधी समाजाच्यावतीने आंदोलन
आरोपीला लवकरात लवकर अटक करावी, अशी मागणी करण्यासाठी शेकडोच्या संख्येने नागरिक हातात फलक घेऊन रस्त्यावर उतरले होते. आरोपीला पकडून फाशीची शिक्षा द्यावी, अशा आशयाचे फलक संतापलेल्या नागरिकांच्या हातात होते. पिंपरी पोलीस ठाण्यात याप्रकरणी रोहित किशोर सुखेना यांनी फिर्याद दिली आहे. अमीन फिरोज खान, शाहबाज सिराज कुरेशी, आरबाज शेख, अक्षय संजय भोसले, लंगडा यांच्यावर पिंपरी पोलिसांनी गुन्हा दाखल केला आहे.