अक्षय बो-हाडे मारहाण प्रकरण; सत्यशील शेरकर यांच्यावर गुन्हा दाखल

अक्षय बो-हाडेला घरी बोलावून घेऊन मारहाण केल्याचा आरोप सोशल मिडियातुन केला होता. याबाबत गुरुवारी रात्री अक्षय बो-हाडे याच्या तक्रारीवरून जुन्नर पोलीसांत भा.द.वि.क 323/324/504/506 व आर्म अॅक्ट 3(25) प्रमाणे सत्यशील शेरकर वर गुन्हा दाखल झाला आहे.

पुणे- जुन्नर तालुक्यातील शिरोली बुद्रुक गावात श्री विघ्नहर सहकारी साखर कारखान्याचे अध्यक्ष सत्यशील शेरकर यांनी मनोरूग्ण,बेघर,निराधार लोकांसाठी करणा-या अक्षय बो-हाडे या तरुणाला मारहाण केल्याचा आरोप झाला होता.अक्षय बोऱ्हाडे या तरुणाने सोशल मीडियावर फेसबूक लाईव्हवरुन मारहाणीची माहिती दिली होती. या प्रकरणी सत्यशील शेरकरवर गुन्हा दाखल झाला आहे.

जुन्नर तालुक्यातील शिरोली गावात अक्षय बो-हाडे हा तरुण मनोरूग्णांसाठी काम करतो. त्याच्या कामाचे कौतुक सर्वत्र केले जात असताना श्री विघ्नहर सहकारी साखर कारखान्याचे अध्यक्ष सत्यशील शेरकर यांनी अक्षय बो-हाडेला घरी बोलावून घेऊन मारहाण केल्याचा आरोप सोशल मीडियातुन केला होता. याबाबत गुरुवारी रात्री अक्षय बो-हाडे याच्या तक्रारीवरून जुन्नर पोलीसांत भा.दं.वि.क 323/324/504/506 व आर्म अॅक्ट 3(25) प्रमाणे सत्यशील शेरकर वर गुन्हा दाखल झाला आहे.

उदयनराजे भोसले, संभाजीराजे छत्रपती, निलेश राणे यांनी मारहानीचा निषेध करत अक्षय बो-हाडे याच्या मागे खंबीरपणे उभे असल्याचे सांगितले होते.

अक्षय बो-हाडे कोण..?

पुणे जिल्ह्यातील जुन्नर तालुक्यात मनोरूग्णासाठी काम करणारा हा आवलिया तरुण आहे. त्याच्याकडे सध्या 40 पेक्षा जास्त मनोरूग्ण वास्तव्यास आहे. या मनोरूग्णांसाठी हा तरुण काम करत आहे. त्याच्या कामाचे कौतुक राज्यभरातून केले जाते. त्यामुळे अक्षयला मारहान झाल्यानंतर राज्यभरातून सोशल मीडियाच्या माध्यमातून संतापाची लाट उसळली आहे.

डॉ.अमोल कोल्हेंवर नेटकऱ्यांची टीका..

अक्षय बोऱ्हाडे या तरुणाच्या मारहाणीवर शिरुर लोकसभेचे खासदार डॉ. अमोल कोल्हे यांनी प्रतिक्रिया देत फेसबूकवर व्हिडिओ शेअर केला. यावेळी सत्यशिल शेरकर हे आपले जुने मित्र असुन अक्षय बो-हाडे याच्या मारहाणीबाबत पोलीस सखोल चौकशी करतील. पण नाण्याला दुसरीही बाजू असते,असे डॉ.कोल्हे म्हणाले. त्यामुळे फेसबुकवर नेटक-यांनी डॉ अमोल कोल्हे यांचा चांगलाच समाचार घेतला आहे.