पुणे - वासंतिक उटी मोगरा महोत्सवानिमित्त दगडूशेठ गणपतीचा मोगऱ्यांसह १ कोटी सुवासिक फुलांनी महाअभिषेक करण्यात आला. सुवासिक फुलांनी सजलेले मंदिर आणि गणरायाचे रुप डोळ्यांमध्ये साठवण्यासाठी पुणेकरांनी गर्दी केली होती. यावेळी अनेकांनी हे क्षण मोबाईल कॅमेऱ्यामध्ये टिपले.
दगडूशेठ गणपती मंदिरातील वासंतिक उटी महोत्सव
दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळातर्फे गणपती मंदिरात वासंतिक उटी, मोगरा महोत्सव आयोजित करण्यात आला. यावेळी लक्ष्मीबाई दगडूशेठ हलवाई दत्तमंदिर ट्रस्टचे अध्यक्ष अ‍ॅड. शिवराज कदम जहागीरदार, युवराज गाडवे, शिरीष मोहिते यांच्या हस्ते आरती करण्यात आली.