गणेश भक्तांसाठी पिंपरीतील मोरया गोसावी देऊळबंद

पिंपरी-चिंचवड शहरातील प्राचीन श्री मोरया गोसावी समाधी मंदिर कोरोनाच्या पार्श्वभूमीवर आज अंगारकी चतुर्थी दिवशी भाविकांसाठी बंद ठेवण्यात आले आहे. पोलिसांनी या परिसरात जमावबंदी व संचारबंदी लागू केली आहे.

पिंपरी-चिंचवड (पुणे) -शहरातील प्राचीन श्री मोरया गोसावी समाधी मंदिर कोरोनाच्या पार्श्वभूमीवर आज (दि. 2 मार्च) भाविकांसाठी बंद ठेवण्यात आले आहे. या परिसरात पोलीस आयुक्तांनी जमावबंदी व संचारबंदी लागू करण्यात आल्याने भाविक पोलीस बंदोबस्त असलेल्या ठिकाणाहून दर्शन घेत असल्याचे पाहायला मिळत आहे.

दरवर्षी दर्शनासाठी येतात लाखो भाविक

पिंपरी-चिंचवड शहरातील श्री मोरया गोसावी समाधी मंदिरव मंगलमूर्ती वाडा या परिसरात पोलीस आयुक्तांनी संचारबंदी व जमावबंदी लागू करण्यात आली आहे. दरवर्षी अंगारकी चतुर्थीला भाविकांची अलोट गर्दी होत असते. लाखो भाविक मोरया गोसावी मंदिरात गर्दी करतात.

वेळीच संचारबंदी व जमावबंदी लागू करण्यात आली

यावर्षीची परिस्थिती अत्यंत वेगळी असून कोरोनाचा प्रादुर्भाव होऊ नये म्हणून दक्षता घेत वेळीच जमावबंदी व संचारबंदी लागू करण्यात आल्याने भाविकांची गर्दी पाहायला मिळाली नाही. काही अंतरावरच पोलिसांनी नाकाबंदी करत भाविकांना मंदिरात जाण्यास रोखून धरले होते. तसेच नागरिकांनी मंदिर परिसरात येऊ नये, असे आवाहही देखील पोलीस निरीक्षक विश्वजीत खुळे व सुधाकर काटे यांच्याकडून करण्यात आले होते.

हेही वाचा -इतिहासात पहिल्यांदाच अंगारकी चतुर्थीला 'दगडूशेठ' गणपती मंदिर बंद