पुणे - गेल्या ४८ तासांपासून सुरू असलेल्या मुसळधार पावसामुळे, चासकमान जलाशय ओव्हरफ्लो झाले आहे. चासकमानमधून 1,850 क्युसेसने भीमा नदी पात्रात पाण्याचा विसर्ग सुरू करण्यात आला आहे.
चासकमान जलाशय ओव्हरफ्लो, 1,850 क्युसेसने भीमा नदी पात्रात पाण्याचा विसर्ग सुरु
उत्तर पुणे जिल्ह्यातील पश्चिमेकडून गेल्या 48 तासापासून पावसाचा जोर वाढला असल्याने, डोंगररांगातून ओढे, नाले दुथडी भरुन वाहत असल्याचे दिसून येत आहे. यामुळे, नद्यांची पाणीपातळी वाढली असून, पुलांवरुन तसेच बंधाऱ्यांवरुन पाणी जात आहे. त्यामुळे अनेक गावांत धोक्याची परिस्थिती निर्माण होत आहे. नागरिकांनी पाण्याजवळ जाणे टाळावे, असे प्रशासनाकडून आवाहन करण्यात आहे.