पुणे -'राज्य सरकारच्या कल्पनाशक्तीबद्दल कमाल वाटते. रोज नवीन काहीतरी बाहेर काढत आहेत, पण कशाचाच शोध लावत नाहीत. राज्य सरकारच्या कल्पनाशक्तीचा विलास सुरू आहे' असे वक्तव्य चंद्रकांत पाटील यांनी केले.
राज्य सरकारच्या कल्पनाशक्तीची कमाल वाटतेय
राज्य सरकार कधी फोन टॅपिंग तर कधी कोरेगाव भीमा दंगलीत देवेंद्र फडणवीस यांचा हात होता, असा रोज कल्पनाशक्तीचा विलास सुरू आहे. अजून काही यादी असेल तर तीही काढा, या सर्वांची चौकशी करा असे म्हणत चंद्रकांत पाटील यांनी राज्य सरकारवर टीका केली. केंद्र सरकारने चौकशी करणे हा केंद्र सरकारचा अधिकार आहे. यात काहीही चुकीचं नाही. त्यामुळे फक्त आरोप करणे चुकीचे आहे. हळूहळू लोक आता या बातम्या वाचणेच बंद करतील असेही पाटील म्हणाले.