पुणे- शिरूर तालुक्यातील पश्चिम भागातील सविंदणे, कवठे, चांडोह, टाकळी हाजी या भागात मोठ्या भांडवली खर्चातून एक एकरमध्ये बीटची लागवड करण्यात आली. यातून भरघोस उत्पादनही झाले. मात्र, आता या बीटची दोन रुपये प्रति किलो प्रमाणे कवडीमोल बाजारभावाने विक्री होत त्यामुळे आता हे पीक जनावरांना टाकण्याची वेळ शेतकऱ्यांवर आली आहे.
बीट पिकाला कवडीमोल बाजारभाव, उत्पादित पीक जनावरांना टाकण्याची वेळ
तुळशीदास शिंदे या शेतकऱ्याने आपल्या एक एकर शेतात पहिल्यांदाच बीटची लागवड केली. रोगांच्या प्रादुर्भावानंतर फवारणी करून कसेबसे हे पीक जगवले. काढणीला आलेल्या या पिकाला प्रति किलो २० ते ३० रुपये दराची अपेक्षा असताना मात्र केवळ २ रुपये दर मिळत आहे. यातून मजुरीचा खर्चही भागेनासा झाला आहे.
हेही वाचा -कोरोनाचे थैमान : भारताने रोखला इराण, इटली, जपान, दक्षिण कोरियाचा प्रवासी व्हिसा