पुणे - राष्ट्रवादी काँग्रेसचे नेते अजित पवार यांनी शक्तिप्रदर्शन करत बारामती विधानसभा मतदार संघातून उमेदवारी अर्ज दाखल केला. अजित पवारांना टक्कर देण्यासाठी भाजपने बारामती मधून धनगर समाजामधील नेते गोपीचंद पडळकर यांना उमेदवारी दिली आहे.
राष्ट्रवादी काँग्रेसचे नेते अजित पवार यांनी शक्तिप्रदर्शन करत बारामती विधानसभा मतदार संघातून उमेदवारी अर्ज दाखल केला.
विरोधकांनी दिलेला उमेदवार कोण व किती ताकदीचा आहे, याचा विचार न करता प्रतिस्पर्ध्याला कमी लेखत नाही, असे वक्तव्य अजित पवार यांनी केले आहे. आज पर्यंतच्या सर्व निवडणुका पूर्ण ताकतीने लढवल्या असून, यंदाही बारामतीतून किमान एक लाखाचे मताधिक्य घेऊन विजयी होऊ, असा विश्वास त्यांनी यावेळी व्यक्त केला आहे.