पुणे - पिंपरी-चिंचवड शहरात एक धक्कादायक घटना घडली असून 26 वर्षीय एअरहोस्टेस तरुणीला जबरदस्तीने मद्य पाजून बेदम मारहाण करत बलात्कार केल्याची घटना समोर आली आहे. याप्रकरणी वाकड पोलीस आरोपीला अटक केली असून अभिजित सीताराम वाघ (28) असे अटक करण्यात आलेल्या आरोपीचे नाव आहे.
आरोपीच्या वडिलांनी दिली पोलिसांना माहिती -
पीडित तरुणी ही एअरहोस्टेस असून तिची आणि आरोपी अभिजितची ओळख डेटिंग अ‌ॅपवरून झाली होती. अवघ्या काही तासांच्या ओळखीवर आरोपीने तरुणींना हिंजवडी येथील एका हॉटेलमध्ये भेटण्यासाठी बोलावले. त्यावेळी आरोपीने बळजबरीने तरुणीला मद्य पाजले. त्यानंतर तरुणीने आरोपीला घरी सोडण्यास सांगितले. परंतु, आरोपीने त्या तरुणीला घरी न सोडता स्वतः च्या घरी नेऊन तिच्यावर बलात्कार केला. तरुणीने प्रतिकार केला असता आरडाओरडा झाल्याने आरोपी अभिजीतच्या वडिलांनी वाकड पोलिसांना याची माहिती दिली. वाकड पोलिसांनी तत्काळ घटनास्थळी दाखल होत आरोपीला अटक केली. तसेच तरुणीला उपचारासाठी रुग्णालयात दाखल करण्यात आले.
हेही वाचा - भाजप नेत्यांविरुद्ध बोलल्यास त्यांच्यामागे ईडी-सीबीआय लावली जाते - गृहमंत्री