पुणे - पुणेकर स्वतःही विनोद करतात, त्यांना विनोद कळतो. त्यामुळे माझे 'आफ्टरनून लाईफ' संदर्भातील विधान ते विनोदानेच घेतील, अशी अपेक्षा पर्यटन तथा पर्यावरण मंत्री आदित्य ठाकरे यांनी व्यक्त केली आहे. पुण्यात इंटरनॅशनल सेंटरने आयोजित केलेल्या कार्यक्रमानंतर ते पत्रकारांशी बोलत होते.
पर्यटन तथा पर्यावरण मंत्री आदित्य ठाकरे
काही दिवसांपूर्वी आदित्य ठाकरे यांनी पुण्यात नाईट लाईफ सुरू करण्याआधी आफ्टरनून लाईफ सुरू करावी लागेल, असे वक्तव्य केले होते. यावर खुलासा करताना ठाकरे म्हणाले, पुण्यात मी अनेक वर्षांपासून येतो, त्यामुळे पुणेकर स्वतः विनोद करतात आणि त्यांना विनोद कळतो. त्यामुळे माझे ते विधान पुणेकर विनोदानेच घेतील.