पोहायला गेलेला मुलगा पाण्यात बुडाला, शोधकार्य सुरू

शिक्रापूर येथे पोहायला गेलेल्या १४ वर्षीय मुलगा पाण्यात बुडाल्याची धक्कादायक घटना आज (सोमवार) दुपारच्या सुमारास घडली असून स्थानिक नागरिक आणि पोलीस त्याचा शोध घेत आहे.

पुणे- शिक्रापूर येथे पोहायला गेलेल्या १४ वर्षीय मुलगा पाण्यात बुडाल्याची धक्कादायक घटना आज (सोमवार) दुपारच्या सुमारास घडली आहे.

स्थानिक नागरिक व पोलीसांच्या मदतीने पाण्यात बुडालेल्या मुलाचा शोध सुरु आहे. अमर राधाकिशन तायड (वय १४ वर्षे), असे पाण्यात बुडालेल्या मुलाचे नाव आहे

अमर हा मुळचा बीड जिल्ह्यातील असून आई-वडील कामानिमित्त शिक्रापूर येथे वास्तव्यास आहे. अमर व त्याचे दोन मित्र शिक्रापूर जवळील एलएनटी फाटा येथे पोहायला गेले असताना अमर अचानक पाण्यात बुडाला.

स्थानिक नागरिक व पोलीसांच्या मदतीने अमरचा शोध सुरु आहे. मात्र, शोधकार्यात अजून यश मिळत नसल्याने परिसरात हळहळ व्यक्त केली जात आहे.