पुणे- मुसळधार पावसामुळे इंद्रायणी नदीला पूर आला आहे. अशामध्ये लोणावळा परिसरात फिरण्यासाठी आलेले 17 पर्यटक ओशो आश्रमात अडकले होते. शिवदुर्गचे पथक आणि पोलिसांनी या पर्यटकांना सुरक्षित बाहेर काढले. हे सर्व पर्यटक गुजरातच्या अहमदाबाद येथील असून ते लोणावळा पर्यटनस्थळे फिरण्यासाठी आले होते.
पूर परिस्थितीत अडकलेल्या 17 पर्यटकांना शिवदुर्ग टीमच्या मदतीने पोलिसांनी काढले बाहेर
लोणावळा परिसरातील मळवली जवळच्या देवले भाजे गावच्या हद्दीमध्ये अतिवृष्टीमुळे इंद्रायणी नदीला पूर आला आहे. अशामध्ये लोणावळा फिरण्यासाठी आलेल्या पर्यटक ओशो आश्रमात अडकले असल्याची माहिती, शिवदुर्गच्या टीमला शनिवारी सकाळी ११ वाजण्याच्या सुमारास मिळाली. तेव्हा दुपारी एक वाजण्याच्या सुमारास शिवदुर्गचे १५ जणांचे पथक कामशेत, लोणावळा ग्रामीण पोलिसांसह तिथे पोहोचले.