परभणी-पाथरी येथील बांदरवाडा रस्त्यालगतच्या जवाहरनगर येथे असलेल्या एका मॉलमध्ये शुक्रवारी पहाटे तीन चोरट्यांनी लोखंडी शटर वाकवून चोरी केली. यात मॉलच्या गल्ल्यातील रोख पाच हजार पाचशे रुपयांची रक्कम चोरट्यांनी पळवली. मात्र, कोणी तरी येत असल्याची कुनकून लागताच चोरट्यांनी पोबारा केल्याचे सीसीटीव्ही फुटेजमध्ये स्पष्ट दिसत आहे.
चोरट्यांचा कारनामा सीसीटीव्हीत कैद झाला आहे.
येथील जवाहरनगर भागात सुबूर अहेमद सिद्धीकी यांचा सुविधा मॉल आहे. बाजुलाच त्यांचे किराणा आणि जनरल स्टोअर्सचे दुकानही आहे. या परिसरात मॉल सीसीटीव्हीच्या कक्षेत आहे. शुक्रवारी पहाटे सव्वातीनच्या सुमारास २० ते २२ वर्ष वयाचे तीन चोरटे या ठिकाणी दाखल झाल्याचे दिसत आहे. यावेळी किराणा दुकानासमोरील विजेचा बल्ब या चोरट्यांनी काढला.