परभणी -जिल्ह्यातील धनगर समाजाच्यावतीने आज आरक्षणाच्या मागणीसाठी धरणे आंदोलन करण्यात आले. यावेळी समाजाच्या आरक्षणासाठी बलिदान देणाऱ्या 18 वर्षीय योगेश कारके याच्या कुटूंबियांना न्याय देण्यात यावा, तसेच पाथरी तालुक्यातील रेणापूर येथील समाजाची हरवलेली स्मशानभूमी शोधून द्यावी, या मागणीसाठी हे आंदोलन करण्यात आले आहे.
परभणीत धनगर समाजाचे धरणे
धनगर समाज गेल्या अनेक वर्षांपासून आरक्षणाच्या मागणीसाठी लढा देत आहे. या अंतर्गत राज्यभर मोठे आंदोलने झाली. यामध्ये धनगर समाजातील योगेश कारके हा तरुण शहीद झाला. मात्र अद्यापही शासनाकडून त्याच्या कुटूंबियांना न्याय मिळाला नाही. तसेच समाजाच्या इतर प्रश्नावरून कार्यकर्ते लढा देत आहे. मात्र, शासन त्यांची दखल घेत नसल्याने हा समाज संतप्त झाला आहे.
'10 लाख मदत, सरकारी नौकरीचे आश्वासन पूर्ण नाही'