वसई (पालघर) -वसई पश्चिममध्ये असलेल्या माणिकपूर पेट्रोल पंपाजवळ मोटार व दुचाकीचा अपघात झाला. भरधाव वेगात असलेल्या दुचाकीने मोटारीला धडक दिली. या घटनेत दुचाकीस्वार थोडक्यात बचावला असून, घटना सीसीटीव्हीत कैद झाली आहे.
सोमवारी रात्री दहा वाजेच्या सुमारास हा अपघात झाला. पेट्रोल भरण्यासाठी एक मोटार पेट्रल पंपाच्या दिशेने येत होती. याचवेळी समोरून येणाऱ्या भरधाव दुचाकीस्वाराने कारला धडक दिली. अपघात एवढा भीषण होता की, दुचाकीस्वार धडकेनंतर थेट मोटारीच्या टपावर आदळला. मात्र सुदैवाने या चालकाला कुठेही इजा झाली नाही. मात्र या अपघातात दोन्ही वाहनांचे मोठ्या प्रमाणात नुकसान झाले आहे. काळजाचा थरकाप उडवणारी ही घटना सीसीटीव्हीत कैद झाली आहे.