पालघरमध्ये पुरात 10 जण अडकले; 4 जणांना अग्निशमन दलाने सुखरूप काढले बाहेर

पालघर जिल्ह्यात गेल्या दोन दिवसापासून मुसळधार पाऊस पडत आहे. यावेळी पुरात अडकलेल्या 4 जणांना वाचवण्यात अग्निशमन दलाला यश आले आहे.

पालघर- जिल्ह्यात दोन दिवसापासून मुसळधार पाऊस पडत आहे. यावेळी भाताने (नवसई) येथे पुरात 10 व्यक्ती अडकले होते. अग्निशमन दलाने यापैकी 4 जणांना सुखरूप बाहेर काढले असून उर्वरित 6 जणांना बाहेर काढण्याचे काम सुरू आहे.

जिल्ह्यात पडणाऱ्या मुसळधार पावसामुळे पूरस्थिती निर्माण झाली आहे. त्यामुळे अनेक गावांचा संपर्क तुटला असून अनेक गावे पाण्याखाली गेली आहेत. पालघरचे जिल्हाधिकारी कैलास शिंदे व उपविभागीय अधिकारी यांनी नवसई येथे भेट देऊन पूरग्रस्तांना रेस्क्यू करण्याबाबत सूचना दिल्या आहेत.