पालघरमध्ये शैक्षणिक संकुलात चोरी; 8 लाख 13 हजारांची रोकड लंपास

सेंट जॉन तांत्रिक शैक्षणिक संकुलात 8 लाख 13 हजार रुपयांची चोरी झाल्याची घटना घडली आहे. शैक्षणिक संकुलात झालेल्या चोरीच्या घटनेमुळे एकच खळबळ उडाली आहे.

पालघर- सेंट जॉन तांत्रिक शैक्षणिक संकुलात 8 लाख 13 हजार रुपयांची चोरी झाल्याची घटना घडली आहे. शैक्षणिक संकुलात झालेल्या चोरीच्या घटनेमुळे एकच खळबळ उडाली आहे. याप्रकरणी पालघर पोलीस ठाण्यात गुन्हा दाखल करण्यात आला आहे.

सेंट जॉन तांत्रिक शैक्षणिक संकुलात शाळा, इंजीनियरिंग, डिग्री कॉलेज, फार्मसी कॉलेजच्या इमारती आहेत. शैक्षणिक संकुलात शिक्षण घेणाऱ्या मुलांचे शुल्क, सांस्कृतिक कार्यक्रमांचे तसेच इंडस्ट्रियल व्हिझीटचे पैसे कार्यालयाच्या कपाटात होते.

हेही वाचा -घिवली समुद्रकिनारी आढळला 'पॉरपॉइज' मासा

गुरुवारी (23जानेवारी) सकाळी सात वाजण्याच्या सुमारास चोरटे कार्यालयात शिरले आणि कार्यालयातील कपाटात ठेवलेली 8 लाख 13 हजारांची रोकड लंपास केली. याप्रकरणी पालघर पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.