पालघर -जिल्ह्यात वसई- विरार महानगरपालिका क्षेत्र वगळून जिल्ह्यातील सर्व शाळा ५ एप्रिल पासून पुढील आदेशापर्यंत बंद ठेवण्याचे आदेश जिल्हाधिकारी डॉ. माणिक गुरसळ यांनी दिले आहेत. पालघर जिल्ह्यात कोरोनाचा वाढता प्रादुर्भाव पाहता तसेच यापूर्वी विविध शाळांमध्ये आजाराचे झालेले संक्रमण लक्षात घेता जिल्हाधिकार्‍यांनी हे आदेश दिले आहेत.
जिल्ह्यातील सर्व शाळा 5 एप्रिलपासून पुढील आदेशापर्यंत बंद -
कोरोनाचा प्रादुर्भाव पाहता पाचवी ते बारावीचे वर्ग सुरू ठेवण्याबाबत मान्यता देताना संबंधित शाळेतील शिक्षकांनी स्वतःची राहण्याची व्यवस्था ते ज्या गावात शाळेवर नियुक्ती आहेत, तेथे करण्याचे निर्देशीत करण्यात आले होते. मात्र तरीही अनेक शिक्षक बाहेर गावाहून ये-जा करीत असल्याचे निदर्शनास आले. हे शिक्षक कोरोना बाधित झाल्याने कोरोनाचा संसर्ग विद्यार्थ्यांपर्यंत पोहचत असल्याचे प्रकार उघडकीस आले आहेत. यामुळे देखील रुग्ण संख्येत वाढ होत असून आजाराचा प्रादुर्भाव रोखण्यासाठी उपाययोजनेचा भाग म्हणून जिल्ह्यातील सर्व शासकीय, खासगी शाळा, जिल्हा परिषदेचा शाळा, सर्व अनुदानित व विनाअनुदानित शाळा, सर्व आश्रम शाळा, निवासी शाळा, कोचिंग क्लासेस ५ एप्रिलपासून पुढील आदेशापर्यंत बंद ठेवण्याचे आदेश जिल्हाधिकारी डॉ. माणिक गुरसळ यांनी दिले आहेत.
हेही वाचा -वसईत आज 358 कोरोनाबाधितांची नोंद, 2 जणांचा मृत्यू
हेही वाचा -विरार : मनिषा डोंबळ हत्या प्रकरणाचा उलगडा