पालघर - मोखाडा-त्र्यंबकेश्वर मार्गावरील तोरंगणा घाटात पालघरला येत असताना खासगी बस २५ फूट खोल दरीत कोसळली आहे. या अपघातात ६ प्रवाशांचा मृत्यू झाला असून ३९जण जखमी झाले आहेत.
गंभीर जखमी असलेल्या १७ प्रवाशांना नाशिकमधील जिल्हा रुग्णालयात हलविण्यात आले आहे.
ही खासगी बस (GJ १७ UU ११४८) बसमधील सर्व भाविक गुजरातमधील सुरत या शहराचे रहिवासी आहेत. हे सर्व प्रवासी शिर्डी येथून साईबाबाचे दर्शन घेऊन डहाणूतील महालक्ष्मी मातेच्या दर्शनासाठी जात असताना हा अपघात घडला.मोखाडा-त्र्यंबकेश्वर मार्गावरून पालघरला येत असतानाचालकाचे नियंत्रण सुटल्याने ही बस दरीत कोसळली. बसला दरीतून बाहेर काढण्याचे काम सुरु आहे.