पालघर -दादरा आणि नगर हवेली या केंद्रशासित प्रदेशातील राखोली भागातील एका कंपनीला भीषण आग लागली आहे. हॅमिल्टन असे या कंपनीचे नाव आहे. आग विझवण्याकरता अग्निशमन दलाचे ७ बंब घटनास्थळी दाखल झाले होते.
महाराष्ट्राच्या सीमेलगत असलेल्या दादरा नगर हवेली या केंद्रशासित प्रदेशातील रखोली परिसरात असलेल्या हॅमिल्टन नावाच्या कंपनीला भीषण आग लागल्याची घटना घडली आहे. घटनेची माहिती मिळताच अग्निशमन दलाचे 7 बंब घटनास्थळी दाखल झाले. अग्निशमन दलाच्या जवानांनी शर्थीचे प्रयत्न करून ही आग नियंत्रणात आणली. या घटनेत कोणतीही जीवितहानी झालेली नाही. मात्र, संपूर्ण कंपनी आगीत जळून खाक झाली असून आगीचे कारण अद्याप अस्पष्ट आहे.